Ayni kunlarda To‘raqo‘rg‘on IES kimyo sexi xodimlari tomonidan “O‘zenergosozlash” mas’uliyati cheklangan jamiyatining suv-kimyo sexi boshlig‘i bilan hamkorlikda kimyo laboratoriyasi hamda texnik suvni filtrlash jarayonini o‘rganish va baholash ishlari olib borilmoqda.
O‘rganishlar jarayonida uskunalarning amaldagi me’yoriy hujjatlar va standartlar talablariga muvofiqligi baholandi.
Ko‘rik davomida aniqlangan ayrim kamchiliklar yuzasidan mutaxassislar tomonidan tegishli tavsiyalar ishlab chiqildi hamda ularni bartaraf etish bo‘yicha zarur choralar ko‘rilmoqda.
Issiqlik elektr stansiyalari binolari va inshootlarining texnik holatini davriy ravishda o‘rganib borish hamda monitoring qilish muhim ahamiyat kasb etadi, holbuki, ularning natijalari asosida binolar va inshootlar ichida joylashtirilgan katta o‘lchamdagi texnologik qurilmalar, uskunalar va jihozlarning ishonchli ishlashi hamda saqlanishi nazorat qilinadi.
“O‘zenergosozlash” korxonasi bir guruh tajribali mutaxassislari tomonidan stansiyaning Gidrotexnika inshootlari sexi xodimlari ishtirokida ayni kunlarda To‘raqo‘rg‘on issiqlik elektr stansiyasi bino va inshootlarining texnik holatini navbatdagi o‘rganish va monitoring qilish ishlari olib borilmoqda.