Konstitutsiya kuni oldidan energetika tizimi tashkilotlarida qator ma’naviy-ma’rifiy tadbirlar, ochiq suhbatlar tashkil etilmoqda. Jumladan, “Angren IES” AJ va “O‘znergosozlash” MChJda “Konstitutsiya — inson qadri, erkinlik, tenglik va adolat garovi!” shiori ostida ma’rifat soati hamda maxsus chellenj o‘tkazildi.
Tadbirlarda xodimlarning konstitutsion bilimlarini mustahkamlash, fuqarolik ongini yuksaltirish, shuningdek, Asosiy qonunning jamiyat va davlat hayotidagi o‘rnini keng targ‘ib etishga qaratilgan turli interaktiv mashg‘ulotlar amalga oshirildi.