Barcha issiqlik elektr stansiyalari va markazlarida faoliyat yuritayotgan ishchi-xodimlarning oila a’zolari hamda farzandlari uchun yangi yil shukuhini namoyon etish maqsadida bayramona sovg‘alar taqdim etilmoqda.
Ushbu sovg‘alar Birlashgan kasaba uyushmasi qo‘mitasi hamda boshlang‘ich kasaba uyushmalari tomonidan tashkil etilgan holda tarqatilmoqda.
Tadbirdan ko‘zlangan asosiy maqsad — ishchi-xodimlar oilalariga bayramona kayfiyat ulashish, ijtimoiy qo‘llab-quvvatlashni kuchaytirish hamda bolajonlar qalbida quvonch va shodlik uyg‘otishdan iborat.