“Issiqlik elektr stansiyalari” AJda iyun oyi “Yoshlar oyligi” doirasida yoshlarni milliy qadriyatlarga hurmat, Vatanga muhabbat va yuksak ma’naviyat ruhida tarbiyalashga qaratilgan madaniy-ma’rifiy tadbirlar hamda sport musobaqalari tashkil etilmoqda.Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.
Shu kabi tadbirlardan biri sifatida korxona tizimida faoliyat yuritayotgan yoshlarning Markaziy Osiyoda yagona bo‘lgan, Ginness rekordlar kitobiga kiritilgan Islom sivilizatsiyasi markaziga tashrifi uyushtirildi.
Tadbirda “Issiqlik elektr stansiyalari” AJ, Toshkent IEM, Toshkent issiqlik markazi hamda “O‘zenergosozlash” korxonalarida mehnat qilayotgan bir guruh yoshlarishtirok etdi.
Tashrif davomida ishtirokchilar markaz faoliyati, nodir tarixiy eksponatlar, shuningdek, Birinchi, Ikkinchi va Uchinchi Renessans davrlarining taraqqiyot bosqichlari hamda ularning jahon sivilizatsiyasi rivojiga qo‘shgan hissasi haqida batafsil ma’lumotlarga ega bo‘ldilar.
Mazkur ma’rifiy sayohat yoshlarning tarixiy merosimizga bo‘lgan qiziqishini yanada oshirish, milliy o‘zlikni anglash va intellektual salohiyatini yuksaltirishda muhim ahamiyat kasb etadi.
“Issiqlik elektr stansiyalari” AJ tizimida xavfsiz ish jarayonlarini ta’minlash, xodimlarning mehnatni muhofaza qilish va xavfsizlik texnikasi bo‘yicha bilim hamda ko‘nikmalarini oshirish maqsadida iyun oyida xavfsizlik texnikasi ko‘rik-oyligi o‘tkazilmoqda.
Mazkur tadbirlar doirasida “O‘zenergosozlash” MChJ bo‘linmalarida tasdiqlangan chora-tadbirlar rejasiga muvofiq xavfsizlik texnikasi bo‘yicha test sinovlari o‘tkazilib, xodimlarning bilim va malakasi baholandi.
Yosh avlodning ma’naviy-axloqiy dunyoqarashini boyitish, ularda Vatanga muhabbat, milliy g‘urur va fidoyilik tuyg‘ularini mustahkamlash, shuningdek, tarixiy xotiraga hurmat ruhida tarbiyalash bugungi kunning muhim vazifalaridan hisoblanadi.
Shu maqsadda joriy yilning 10-iyun kuni “Issiqlik elektr stansiyalari” AJ markaziy apparati hamda tizim korxonalari yoshlari uchun Toshkent shahridagi Prokuratura tarixi muzeyiga ma’naviy-ma’rifiy tashrif tashkil etildi.
Tadbir O‘zbekiston Respublikasi Vazirlar Mahkamasining “2025–2026-yillarda mamlakatimizda qatag‘on qurbonlari hayoti va faoliyatini targ‘ib etish ishlarini yanada jadallashtirish bo‘yicha chora-tadbirlar dasturini tasdiqlash to‘g‘risida”gi qarori ijrosini ta’minlash doirasida o‘tkazildi.
Tashrifda “Issiqlik elektr stansiyalari” AJ, Toshkent IEM, Toshkent issiqlik markazi hamda “O‘zenergosozlash” korxonalari yoshlari ishtirok etdi. Muzey ekskursiyasi davomida qatnashchilar prokuratura organlarining shakllanish va rivojlanish tarixi, mamlakat huquqiy tizimi taraqqiyoti hamda qatag‘on qurbonlarining hayoti va faoliyatiga oid noyob eksponatlar bilan tanishdilar.
Ma’naviy-ma’rifiy tadbir yoshlarda tarixiy xotirani asrab-avaylash, milliy qadriyatlarga hurmat va fuqarolik mas’uliyati tuyg‘ularini yanada mustahkamlashga xizmat qiladi.
Samarqand shahrida o‘tkazilgan Eco Expo Central Asia 2026 xalqaro ko‘rgazmasida “Issiqlik elektr stansiyalari” AJ tizimidagi korxonalar qatorida “O‘zenergosozlash” korxonasi jamoasi ham faol ishtirok etdi.
Ko‘rgazma doirasida “Issiqlik elektr stansiyalari” AJ hamda uning tizim tashkilotlari tomonidan atrof-muhitga salbiy ta’sirni kamaytirish, energiya samaradorligini oshirish va zamonaviy ekologik texnologiyalarni joriy etishga qaratilgan loyihalar hamda tashabbuslarning natijalari namoyish etildi.
Tadbir ekologik barqarorlikni ta’minlash, “yashil” texnologiyalarni keng targ‘ib qilish va sohada xalqaro hamkorlikni rivojlantirish uchun muhim platforma bo‘lib xizmat qildi.