“Har qanday korxonaning barqaror rivojlanishida moliyaviy intizom va aniq hisob-kitob muhim o‘rin tutadi. Buxgalteriya – bu shunchaki raqamlar emas, balki korxona faoliyatining ishonchli tayanchi. O‘z kasbimni sevaman va har bir vazifani mas’uliyat bilan bajarishga intilaman”, – deydi#IESwomen loyihasining navbatdagi mehmoni,“O‘zenergosozlash” MChJ bosh buxgalteri o‘rinbosari Pak Olga Leontevna.
– Sahifangiz ayollarga bag‘ishlangan ekan, avvalo ularga murojaat qilmoqchiman. Ayol – oilaning tayanchi, mehr va ezgulik manbai. Oiladagi muhit, farzandlar tarbiyasi va xonadondagi totuvlik ko‘p jihatdan ayolning sabr-qanoati, donoligi va mehribonligiga bog‘liq. Shu bilan birga, zamonaviy ayol nafaqat oilada, balki jamiyat va mehnat jamoasida ham o‘z o‘rniga ega bo‘lishi kerak.
Olga Leontevnaning ta’kidlashicha, ayollar o‘z salomatligi, ruhiy xotirjamligi va bilimini muntazam rivojlantirib borishga alohida e’tibor qaratishlari zarur. Chunki sog‘lom va baxtli inson har qanday ishni yuqori kayfiyat va mas’uliyat bilan bajaradi.
– Men uchun baxt – yaqinlarimning sog‘-salomatligi, oilamdagi mehr-oqibat va qilayotgan mehnatimning samarasini ko‘rishdir. Inson o‘z ishini sidqidildan bajarsa, albatta buning natijasini ko‘radi. Har bir yangi kun yangi imkoniyatlarni olib keladi.
– Ish kunimni eng muhim vazifalarni belgilab olishdan boshlayman. Buxgalteriya sohasida aniqlik, mas’uliyat va tartib eng muhim tamoyillardir. Har bir hujjat, har bir hisob-kitob o‘z vaqtida va xatosiz bajarilishi zarur. Bugungi kunda raqamlashtirish va zamonaviy texnologiyalar ishimizni yanada samarali tashkil etishga xizmat qilmoqda. Doimo yangi bilimlarni o‘rganish va o‘z ustida ishlash esa kasbiy rivojlanishning ajralmas qismidir.
Ishlar doirasida generator podshipniklarida reviziya ishlari olib borilmoqda. Shuningdek, sozlash va nazorat apparatlarining texnik holati tekshirilib, zarur sozlash ishlari amalga oshirilmoqda.
Bundan tashqari, jazirama issiq ob-havoga qaramay, kuz-qish mavsumiga puxta tayyorgarlik ko‘rish, energetika uskunalarining ishonchliligi hamda tejamkorligini oshirish maqsadida “O‘zenergosozlash” MChJ Issiqlik kuchlanish sexi mutaxassislari tomonidan Toshkent IES energobloklarida olib borilayotgan ta’mirlash ishlariga texnik ko‘mak ko‘rsatilmoqda.
Mazkur tadbirlar ishlab chiqarish samaradorligini oshirish, generatorning barqaror va ishonchli ishlashini ta’minlash hamda mamlakat energetika tizimi ishonchliligini yanada mustahkamlashga xizmat qiladi.
Ko‘rik oyligi davomida mehnatni muhofaza qilish, sanoat va texnika xavfsizligi qoidalariga rioya etish, ish joylarida xavfsiz mehnat sharoitlarini ta’minlash borasida faol ishtirok etgan jamoalar korxona rahbariyati tomonidan munosib taqdirlandi.
O‘tkazilgan ko‘rik natijalariga ko‘ra, yuqori natijalarni qo‘lga kiritgan hamda faol ishtirok etgan quyidagi jamoalar g‘olib deb topildi:
1-o‘rin – Issiqlik kuchlanish sexi jamoasi; 2-o‘rin – Metallar va bug‘ quvurlari sexi jamoasi; 3-o‘rin – Ma’muriy xo‘jalik va ta’minot bo‘limi jamoasi.
“Muborak IEM” filialida ishlab chiqarish obyektlarining xavfsiz va ishonchli ekspluatatsiyasini ta’minlash maqsadida bino va inshootlarning texnik holatini o‘rganish ishlari olib borilmoqda.
Mazkur ishlar “O‘zenergosozlash” mutaxassislari tomonidan amalga oshirilmoqda. Jarayon davomida bino va inshootlarning konstruktiv holati, yuk ko‘tarish qobiliyati hamda ekspluatatsiya jarayonidagi texnik ko‘rsatkichlari amaldagi me’yoriy talablar asosida baholanmoqda.
Bunday texnik ko‘riklar obyektlarning mustahkamligi va ishonchliligini aniqlash, ularning uzoq muddat davomida xavfsiz ekspluatatsiya qilinishini ta’minlash hamda zarur ta’mirlash ishlarini o‘z vaqtida rejalashtirishda muhim ahamiyat kasb etadi.
Xususan, “O‘zenergosozlash” MChJ elektr jarayonlarini avtomatlashtirish va rostlash sexi mutaxassislari tomonidan stansiyalarda amaliy ishlar olib borilmoqda.
Jumladan, “Angren IES” AJ 5,6-sonli turbogeneratorlarining EPA-305 rusumli qo‘zg‘atishni avtomatik rostlash tizimini profilaktik sozlash ishlari amalga oshirildi.
Buning natijasida ushbu qurilmalarning kuz-qish mavsumida barqaror va betalofat ishlashi ta’minlanadi.