Mazkur sana dunyo bo‘ylab bolalarga e’tibor, ularning huquqlari va farovonligini ta’minlashga qaratilgan muhim kun sifatida keng nishonlanadi.
Shu munosabat bilan “O‘zenergosozlash” MChJda faoliyat yuritayotgan xodimlarning farzandlari uchun ham alohida bayramona tadbir o‘tkazildi.
Tadbir davomida bolajonlar samimiy tabriklanib, ularga quvonch va yaxshi kayfiyat ulashildi. Shuningdek, ularga shirinliklar tarqatilib, esdalik sovg‘alari topshirildi. Bolalar uchun yaratilgan bu iliq muhit ularning bayramni ko‘tarinki ruhda o‘tkazishiga xizmat qiladi.
Tashkil etilgan ushbu tadbir jamiyat xodimlari oilalariga e’tibor va ijtimoiy qo‘llab-quvvatlashni yanada mustahkamlashga qaratilgan bo‘lib, bolalarning baxtli va sog‘lom ulg‘ayishiga bo‘lgan e’tiborning ifodasi bo‘ldi.
Jumladan, Taxiatosh IES 280 MVt quvvatga ega 2-sonli bug‘-gaz qurilmasida inspeksiya ishlari olib borilmoqda.
Qurilmada aniqlangan texnik nuqsonlar sohaning malakali mutaxassislari tomonidan bosqichma-bosqich bartaraf etilmoqda.
Mazkur tadbirlar energiya ishlab chiqarish jarayonining ishonchliligi va samaradorligini oshirish, shuningdek, kuz-qish mavsumida iste’molchilarni uzluksiz elektr energiyasi bilan ta’minlashga xizmat qiladi.
“Taxiatosh IES” 2-bug‘-gaz qurilmasi kapital inspeksiyasi doirasida korxonaning tegishli sex va bo‘limlari tomonidan qator texnik tadbirlar amalga oshirilmoqda.
Jumladan, Metrologiya va asboblarni ta’mirlash sexi mutaxassislari issiqlik o‘lchov vositalarini qiyoslash ishlarini bajarmoqda. Bu o‘lchov asboblarining aniqligi va ishonchliligini ta’minlashda muhim ahamiyatga ega.
Shuningdek, Metallar va bug‘ quvurlari sexi tomonidan bug‘ quvurlarining tayanch-osma tizimlari tekshirilib, sozlanmoqda. Mazkur ishlar quvurlarning texnik holatini nazorat qilish va uzluksiz ishlashini ta’minlashga qaratilgan.
Bundan tashqari, Releli himoya va avtomatika bo‘limi tomonidan VAZP va AKB qurilmalari tekshirilib, sozlanmoqda. Bu elektr jihozlari himoya tizimlarining barqaror ishlashi va favqulodda holatlarning oldini olishda muhim ahamiyat kasb etadi.
Korxonada olib borilayotgan texnik tadbirlar uskunalarning xizmat muddatini uzaytirish, ishlab chiqarishdagi uzilishlarning oldini olish hamda xavfsizlikni ta’minlashga xizmat qilmoqda.
Tibbiy ko‘rik davomida jami 62 nafar xodim malakali mutaxassislar tomonidan ko‘rikdan o‘tkazildi. Jumladan, terapevt, okulist, nevropatolog, profpatolog, LOR hamda ginekolog shifokorlari tomonidan xodimlarning sog‘lig‘i tekshirildi. Shuningdek, umumiy qon tahlili olinib, flyuorografiya tekshiruvlari ham amalga oshirildi.
Mazkur tibbiy ko‘rikdan ko‘zlangan asosiy maqsad xodimlar salomatligini muntazam nazorat qilish, kasb bilan bog‘liq kasalliklarning oldini olish hamda sog‘lom va xavfsiz mehnat muhitini ta’minlashdan iboratdir.
Korxonada xodimlar salomatligini muhofaza qilish va mehnat muhofazasi talablariga rioya etish borasidagi ishlar izchil davom ettirilmoqda.
Korxonada elektr energiyasi ishlab chiqarishi barqarorligini ta’minlash maqsadida uskunalar holati bo‘yicha rejali texnik ko‘rik va nazorat ishlari muntazam amalga oshirilmoqda.
Xususan, “O‘zenergosozlash” MChJ mutaxassislari hamkorligida korxonada o‘rnatilgan 110–220 kV kuchlanishli elektr uskunalari, kommutatsiya qurilmalari hamda kuch transformatorlarida kompleks profilaktik texnik ko‘rik amalga oshirildi.
Ko‘rik davomida kiritgichlar, kontakt birikmalari hamda himoya vositalarining texnik holati sinchkovlik bilan o‘rganildi. Mutaxassislar tomonidan qizish holatlari yoki boshqa turdagi nosozliklar aniqlanmadi.
Ushbu tadbirlarning asosiy maqsadi – stansiya uskunalarining barqaror va ishonchli ish rejimini saqlash, avariyaviy holatlarning oldini olish va iste’molchilarni uzluksiz energiya bilan ta’minlashdir.
“O‘zenergosozlash” MChJ mutaxassislari tomonidan elektr stansiyalaridagi energoqurilmalarning texnik holati muntazam monitoring qilinmoqda.
Xususan, Toshkent IEM 1- va 2-son bug‘-gaz qurilmalari poydevorlarining holati maxsus geodezik uskunalar yordamida o‘rganilmoqda.
Olib borilayotgan tekshiruvlar davomida poydevorlarda cho‘kish holatlari aniqlanmagan.
Mazkur texnik nazorat ishlari har uch oyda amalga oshirilib, energetika obyektlarining konstruktiv barqarorligi va xavfsiz ekspluatatsiyasini ta’minlashga xizmat qiladi.
✅“O‘zenergosozlash” MChJ xalqaro sertifikatsiyadan muvaffaqiyatli o‘tib, bir qator ISO standartlarini amaliyotga joriy etdi. Mazkur yutuq korxonada ichki boshqaruv jarayonlari samarali yo‘lga qo‘yilgani hamda kompaniya barqaror rivojlanish va doimiy takomillashuvga intilayotganini ko‘rsatadi.
Jamiyatda boshqaruv tizimini takomillashtirish doirasida quyidagi xalqaro standartlar joriy etildi:
– ISO 9001 (sifat menejmenti) – xizmat va mahsulotlar sifatini oshirish, mijozlar qoniqishini ta’minlashga qaratilgan;
– ISO 14001 (ekologik menejment) – atrof-muhitni muhofaza qilish va ekologik mas’uliyatni kuchaytiradi;
– ISO 45001 (mehnatni muhofaza qilish va texnika xavfsizligi) – xodimlar uchun xavfsiz va sog‘lom mehnat sharoitlarini ta’minlaydi.
Standartlarni joriy etish jarayonida korxona rahbarlari hamda muhandis-texnik xodimlari uchun maxsus o‘quv kurslari tashkil etildi. Ularda ishtirok etgan mutaxassislar xalqaro talablar asosida ishlash bo‘yicha bilim va ko‘nikmalarini oshirib, tegishli sertifikatlarga ega bo‘ldilar.
Mutaxassislar ta’kidlashicha, xalqaro sertifikatlarning olinishi “O‘zenergosozlash” MCHJ uchun yangi imkoniyatlar ochadi. Jumladan, kompaniyaning xalqaro bozorga chiqishi, xorijiy hamkorlar bilan uzoq muddatli aloqalarni yo‘lga qo‘yishiga zamin yaratadi.
Kompaniya kelgusida ham ilg‘or jahon tajribalarini joriy etib, o‘z faoliyatida ishonchlilik, mas’uliyat va yuqori professionallik tamoyillariga tayanib ish olib borishni rejalashtirmoqda.
Uchrashuv davomida korxonani zamonaviy asbob-uskunalar bilan ta’minlash, ilg‘or texnologiyalarni ishlab chiqarish jarayonlariga keng joriy etish, shuningdek, energetika sohasida istiqbolli yangi yo‘nalishlarni rivojlantirish masalalari muhokama qilindi. Tomonlar, shuningdek, tarmoqda innovatsion yechimlarni qo‘llash, ilg‘or xorijiy tajribani o‘rganish hamda o‘zaro manfaatli hamkorlikni yanada kengaytirish istiqbollari yuzasidan fikr almashdilar.
Ma’lumot uchun: Northeast Electric Power Design Institute Co., Ltd. elektroenergetika va infratuzilma sohalarida loyihalash hamda konsalting xizmatlarini ko‘rsatishga ixtisoslashgan yetakchi Xitoy loyiha-injiniring kompaniyalaridan biri hisoblanadi.